（福岡）酒とくし おっとっと

呢間係全程食得最開心嘅一餐，完全係物超所值，如果再去福岡一定會再去。

我心目中喺福岡食過最好嘅嘢，無論係創意定係食材質素水平都好高。

呢度得日文menu，冇中英文menu，有部分係Google Translate完我地都唔太清楚佢係咩嚟，唯有go with the flow。

Staff同串燒師傅們都好好人好熱情，本身我哋係見到佢有款好靚嘅酒想飲，所以先膽粗粗打去訂位。

嚟到發現冇我地想飲嗰款，不過整體用餐體驗係超正。

佢地嘅開胃菜係加少少麻油嘅椰菜，等一陣之後我地第一杯酒都嚟左，直到佢嚟之前我都唔知自己叫咗咩，原來係奇異果味嘅酒，staff話好好飲，佢係真係好好飲 好清爽好舒服。

第一樣上嘅菜係薯仔沙律，球薯仔沙律上面放咗隻煮到好靚嘅流心蛋，淋埋佢地嘅辣汁同加咗魚仔餅，聽落好似有啲奇怪但食落唔錯，香濃既蛋液連埋辣汁滲落個薯仔沙律度好惹味。

食完個沙律啲串燒開始到，佢五花肉同煙肉嗰串都燒得超香。

之後嚟嘅士多啤梨Burrata我到而家呢一刻都念念不忘，本身以為會唔夾但事實上好夾，奶香濃郁嘅Burrata加埋大粒靚士多啤梨，感動。

之後呢個芝士包野菜嘅串燒，芝士大大塊，燒到焦香再包住椰菜。

想叫多串但已經冇貨嘅煙肉包帶子，帶子新鮮加埋師傅嘅技巧，冇辦法唔好食。

食到咁上下，又嚟咗酒，呢杯係八女茶酒，清新嘅茶味。

又到串燒時間，直接開左暴食模式，好香。

Sour Cream放係薯片上面，甜甜哋好快清晒成份。

燒賣，喺呢度見到燒賣有種好奇妙嘅感覺。

呢個腸仔都好正。

煙肉同紫蘇葉加蝦，蝦好大隻又超新鮮。

布甸包裝好可愛，想講佢布甸都好好食好重蛋香。

送左一粒PINO雪糕朱古力，我覺得佢送嘅特別好食，呢間食完真係會有種好期待下次再見嘅感覺。

地址：福岡県福岡市博多区博多駅前4-8-10 シンコービル 1F

Google Map 㩒呢度