（東京）Tsurutontan
今次去東京好似冇食到好多好嘢 但係有一間烏冬係我同我朋友都覺得好正 而且唔貴 好食程度係 我最後一日連刨冰都冇去到食 都要去食多次呢間烏冬 就係呢間有好多分店嘅Tsurutontan 我地去咗新宿分店，入面裝修令我聯想唔到佢係賣烏冬 第一次去食 叫左凍嘅芝麻擔擔烏冬 一擺入口 不得了 後悔冇叫兩倍烏冬 個汁麻辣鮮香 當然唔係真係超辣嗰種 對我呢啲唔食得辣嘅人嚟講啱啱好 烏冬好彈牙，加埋佢夠粗，好好咬 pat芝麻醬同蛋更加係畫龍點睛 食完呢次已經好滿意 返香港前一晚已經講定一定要食多次 最後一日嗰陣 我地趁佢啱啱開舖又去咗次 第二次去，我就唔食凍烏冬轉食熱烏冬 呢個係貝柱クリームのおうどん 我再加左蝦 同埋今次係食兩份麵 食落超香忌廉味...成個湯底都好creamy好濃郁 烏冬一樣係好彈牙但我覺得佢凍食嗰陣好似發揮得好啲 下次嚟我要食佢擺喺冰上面嗰隻烏冬！
