（東京迪士尼）Camp Woodchuck Kitchen
迪士尼嘅太陽係唔講得笑，我哋玩完一輪直接曬到仆街。 我哋補充體力嘅方法就係食嘢，仲要係食凍嘢唔食得熱嘢。 上網睇到人食呢份special set好似好正咁，搵完一輪嚟到餐廳以為冇得賣，嚇死。 呢個set又係碳水碰碳水，唔飽都質到飽。 入面有大兜冷麵、春卷再加多個薯條，冷麵隻蛋係唐老鴨屎忽造型好可愛，印象中個麵係柚子麵，天氣熱食呢個好舒服。除咗嘢食之外都有呢程嘅老規矩烏龍茶。 同樣都係中式嘢我鍾意Sea嗰間多啲。
（東京迪士尼）Huey, Duwey and Louie's Good Time Cafe
上次去咗迪士尼Sea，今年去迪士尼Land。
我哋去嗰程係坐巴士，前面位帶住女朋友去迪士尼date嘅男人散出超濃烈汗臭味，我哋兩個就係咁樣夾硬捱咗全程
雖然入園之前已經食咗burger醫肚，但可能俾迪士尼入面嘅歡樂氣氛感染到，又好肚餓。
見到呢間Huey, Duwey and Louie's Good Time Cafe即刻忍唔住，想講我覺得呢三隻嘢勁可愛，同埋呢檔嘢賣嘅包好似都幾出色。本身想買埋佢個午餐袋仔但我知道自己買嚟都唔會點用，就咁買嘢食算。
呢個係照燒雞刈包，入面夾咗蛋同菜。食落成個包就係甜甜哋，正常味道，東京迪士尼嘅嘢食差極有個譜，唔會話伏到仆街同埋唔算貴。個重點係，你睇吓個包裝同埋成個包幾可愛就知道呢set嘢完全係物超所值。
Btw我去到迪士尼都係飲烏龍茶，烏龍茶使我強大。
留言
發佈留言