（福岡）Agito Hirao

 今次真係食到夢中情肉

下午去嘅時候去Agito Hirao問可唔可以walk in

有個好有型嘅男人（唔知係咪店長）好熱心咁幫我哋

好幸運咁 當日去到23:30仲有兩個位

嚟都嚟左，23:30照殺無誤

老虎蟹都要入去呢個中港台網民都吹奏嘅燒肉修羅場

差唔多時間嚟到等位

入座發現好多都係香港人或者台灣人

每一張枱都會有隻設計好特別嘅牛牛陪住客人食飯

俾大家睇睇原相機下肉嘅狀態

肉質靚到冇嘢挑剔 切得靚靚仔仔

佢都唔使搞呢搞路

少少調味我已經淪陷

和牛啲油花嘅花語係幸福嗎

佢每日都會有四款和牛rare cut可以俾人一次過嗌嚟試吓

詳細款式好似會更新落佢哋塊黑板仔度

好推介大家叫 佢幫你諗埋 身心舒暢

另外無論係厚切牛舌同普通牛舌都好值得叫

最有驚喜係佢扇貝鮮到冇人有

佢會輕輕燒一燒再俾你

兩條友食完一粒唔夠喉要encore

如果下次嚟一定試埋佢個海鮮飯！！！

嘢飲分別嗌咗烏龍茶同Cassis Oolong

佢嘅種類都幾多

鍾意飲酒嘅朋友可以留意