開箱合集（二）

第一樣

最近買左呢隻Sabon嘅護髮素(๑´ㅂ`๑)

一開始係之前買其他嘢嗰陣

收到綠玫瑰味護髮素嘅sample

隔好耐咁啱見到先拎嚟用

一擠上手覺得個質地奇奇怪怪(ﾟд⊙)

但一用完吹頭嗰下真係愛不釋手

大大個回力鏢車落自己度

把頭髮順到

綠玫瑰陣味又超香⁽⁽ଘ( ˙꒳˙ )ଓ⁾⁾

想講我真係超推Sabon嘅綠玫瑰味

佢地唔再出綠玫瑰頭皮磨砂我覺得好可惜

雖然薄荷味頭皮磨砂我都仲係超鍾意

第二樣

想同大家分享我喺Donki買嘅Hachiware面膜

我本身買咗另外兩款俾朋友

好奇心驅使下我都買咗塊自己用Σ(°Д°;

貼完覺得好搞笑

再望原來有啲位我貼都冇貼到

Hachiware對耳仔好似我眉毛咁款

效果方面又冇覺得佢特別好

OK保濕 冇咩特別

第三樣

之前電腦壞左好耐 我都冇乜心機換

我終於換左電腦喇！！

趁新年優惠100蚊左右買返嚟

送個背囊、耳機同滑鼠 

終於可以瘋狂打機

換咗Lenovo Legion 5i

唔係性能好好嘅電腦但對我嚟講都夠用了

除咗比較厚同重之外冇咩可以挑剔

第四樣

長大之後好似失去大部分對扭蛋既熱情

都係會覺得啲玩具好可愛

但已經唔想冒扭到唔想要嘅款嘅風險

所以！我上網買左呢個Bushiroad漢堡扭蛋

佢冇蛋殼包住因為漢堡扒就係蛋殼

呢款係意大利漢堡加胡蘿蔔扣針

本身想買多個但我覺得遲啲先買好似好啲

唔想成日因為一時想要就買一大堆嘢霸住啲空間

第五樣

見到好多人都會用呢類袋仔嚟放啲玩具仔帶出街

美觀得嚟又方便

自由度仲要好高所以我都買咗個

同我之後買yen收納盒仔送嗰個袋仔差唔多樣

放咗同朋友扭嘅扭蛋戎指

同埋我去福岡嗰陣扭嘅明太子BB吊飾

佢係粉紅色明太子BB

我係紅色明太子BB