（土瓜灣）Cutting Onion
睇得Threads人推介多 搵咗日去土瓜灣嘅Cutting Onion食Lunch 因為我怕太多人去食 所以早左好多去 土瓜灣係一個我覺得行落幾舒服嘅區 有種莫名其妙嘅親切感 明明我係大西北人...̿̿ ̿̿ ̿̿ ̿'̿’\̵͇̿̿\з=( ͠° ͟ʖ ͡°)=ε/̵͇̿̿/‘̿̿ ̿ ̿ ̿ ̿ ̿ 想講啟岸呢個商場都幾靚 行出一樓出去既室外area就可以搵到餐廳 環境闊落乾淨 今次叫咗佢地嘅手打牛肉漢堡 包係用佢地自家製brioche 好香牛油味 漢堡肉味香濃又好多汁 加埋gouda cheese同anchovy mayo 快樂了 佢個包仲會跟兩個洋蔥圈 炸得好好食 跟餐要咗薯條同白蘭花綠茶 睇圖已經見到薯條炸得幾靚 唔使搞咁多色水嘢已經天衣無縫 白蘭花綠茶好清新 好啱呢啲天氣飲 甜品嗌咗陀地鬼佬鬼佬陀地西多 麵包外面脆脆之後入面好軟綿綿 面頭搽咗士多啤梨果醬 上面係好好味嘅花生雪糕同花生糖 用黎做呢餐既完美句號啱啱好 飽到爆 店名 Cutting Onion 地址 Shop 2,1/F, 啟岸63 Ma Tau Wai Rd, To Kwa Wan Google Map 按這裡
