Hypefest 2024

🟢~Hypefest 2024 Day 2~🟢

想講Hypefest個GA入口真係離地鐵站好遠，要行好耐:0...入去之前已經先面臨腳骨力考驗-,-，佢個GA入口可唔可以學吓Clockenflap咁方便啲…

行到過去兩點幾，南洋場show差唔多開始，想講我都係2023先第一次聽南洋嘅歌，仲入左人生第一個mosh pit，從此一發不可收拾。

到場都未趕得切去嘢食區睇睇，就嗱嗱聲趕去睇show先，連南洋啲merch都冇買到要preorder。少激烈咁mosh完一輪之後，我決定去飲酒，第一杯酒係Devil's Tea，75蚊一杯，佢係港式檸茶同vodka撈埋咁嘅味，偏甜好易入口，可以加多shot Vodka不過我冇加到。

飲完少少酒有少少酒精上腦個人就好肚餓，見到Sonny's啲pizza幾靚仔，於是買咗塊辣肉腸pizza，唔使等好耐又幾好味。其實pizza喺音樂節真係唔會輸，拎住佢走嚟走去都好方便，用隻碟夾住嚟食又唔會整污糟手，48蚊一塊喺fest黎講叫做算係咁，因為我喺其他fest食過更差嘅。

食完野又係飲酒時間，其實成件事好似無限循環咁，你一開始就唔會停止。以前我去音樂節都唔會飲酒，因為我唔想去一格格嗰啲流動廁所，但呢日我太emo，所以要喺呢個可以享受音樂嘅地方好好飲酒。第二杯酒係Draftland嘅Oolong Tea Collins，呢度一杯係100HKD，佢烏龍茶味係偏重而且好易入口，第一次飲cocktail on tap覺得幾特別。

話明係循環即係飲完酒又要食嘢，見Honbo人龍好似唔多就去買咗個Classic Burger，材料好簡單，只係包夾住pickle、肉、洋蔥，我已經食到好滋味，飲完酒食嘢真係大加分，我夜啲電話冇電前又買左一個。

食完之後又行黎行去玩下聽下歌，食左個雞卷同埋又飲酒，都係Draftland度買，公道講雞卷偏普通，下次去fest見到呢檔會pass。